ازى اتعامل مع أبنى

كل أم بتحلم وتتمنى ان اولادها يكونو احسن الناس وفى احسن حال وبتفكر ديما ازى أتعامل مع أبنى لما يكبر .

اساسيات التربيه .

اكيد مع تقدم التكنولچيا والحصول على اى معلومه بكل سهوله من النت وعدم الاستغناء عن النت فى كل بيت

الام بتحتار تشد على ابنها فيبعد عنها ولاترخى وييقل احترمها تعالى ااقولك على اساسيات التربيه واهم نقط تضمنى بيها تربيه صحيحه لابنك

اولا هتبتدى بنفسك لو عندك صفات سيئه لازم تبطليها لانك قدوة واكيد هياخد من صفاتك

زى الكدب او النفاق ولازم التقرب الى الله منك اولا والبعد عن الظلم عشان مايتردش فى عيالك واكيد المواظبه على فروضك دة اساسى .

ازى تتعملى مع ابنك شبعيه من الحنيه والاهتمام وخليه عندة ثقه فى نفسه .

ازى وهو صغير ؟ هتشركيه فى كل حاجه هتلعبى وترسمى معاة .

هتحضنى ابنك كتير هتسمعيه كويس حتى لو طول ورغى كتير .

وانتى كمان خليه يشاركك فى المسئوله

مثلا خليه يروق معاكى ، وكمان بعد مايلعب يساعدك فى شيل لعبه .

خليه يحس انه رائيه مهم مثلا اسأليه هنطبخ ايه وديما لما تكلميه تقولى ايه رئيك دة بيبنى عندة الثقه بالنفس .

خليه يتحمل المسئوليه بطريقه غير مباشرة مثلا تحددى مبلغ وتقولى ليه عايزين نجيب طلبتنا فى حدود المبلغ دة

هيفكر معاكى وتعلميه ان ممكن نبدى حاجه نشتريها اهم من حاجه تانيه ممكن نأجلها .

كدة مش هيكون انانى وكل طلاباته مجابه ولو الظروف مش سامحه يحس ان الزمن جه عليه ويعرف ان فيه أولويات ويحترم دة .

احسن اسلوب للتربيه الحوار وتعليم السلوك بطريقه غير مباشرة زى الحكيات والحواديت.

خليكى انتى الملجاء ليه .

حددى وقت للموبيل والالعاب ومش كتير وتبقى موجودة معاة ولو شاف منظر مش كويس عارفيه انه حرام يشوفه .

كلميه عن الجنه كتير وفهميه ان الغلط ليه عقاب واعرفى أن الضرب عمرة ماكان عقاب

ممكن تحرميه من حاجه بيحبها هتأثر فيه اكتر من الضرب ، اعملى نفسك زعلانه منه .

وكلميه ديما عن الاحترام لنفسه قبل غيرة خلى عندة مبادئ .

صدقينى لما الطفل بيكبر ويبقى شاب ومراهق من الصعب انه يهين نفسه بااخلاق وطباع سيئه .

وزى ماتربى انك المرجع ليكى اكيد هيرجعلك علشان فيه احترام وثقه متبادله .

أكيد هيستخدم النت بس هيبقى استخدم صح مش هيقبل على نفسه بالغلط حتى لو حصل صدقينى هتبقى عندة النفس اللوامه

هيفتكر عباداته اللى هتعوديه عليها من صغرة وهيفتكر كلامك عن الجنه

هيخاف من عقاب النار فاأكيد هيرجع تانى للصح .

وزى مااتفقنا نبتدى من نفسنا نتقى ربنا فى اكل عيالنا بالحلال وافتكرى الايه الجميله ديه بسم الله الرحمن الرحيم

{ ومن يتق الله يجعل له مخرجا ويرزقه من حيث لايحتسب} صدق الله العظيم .

متخافيش حتى لو فى مشكله ربنا هيجعل لها مخرج بس نتقى الله .

خليكى فاكرة مافيش اجمل من الحوار الاسرى .

ربنا يجعل اولدكم من الذريه الصالحه ويرزق اولدنا اجمعين الهدايه وحسن البصيرة ويبعد عنهم اصحاب السوء ، ويرزق كل مشتاق الذريه الصالحه ان شاء الله